Oft á tíðum er maður spurður hvort Windows stýrikerfið á vélinni sé 32 eða 64 bita. Þetta á helst við þegar á að setja inn forrit í tölvuna. Oftast keyra 32 bita forrit á 64 bita vélum en best er að keyra 64 bita forrit á 64 bita vélum sé það til.

En hvernig getum við komist að því hvort við séum með 32 bita eða 64 bita stýrikerfi?

Leiðbeiningar eru misjafnar eftir stýrikerfum:

Windows 8

1. Smellið á Windows takkann á lyklaborðinu eða farið með bendilinn neðst
til vinstri og smellið til að komast í "Start" valmyndina.

2. Byrjið strax að skrifa "system" og veljið "Settings" hægra megin á skjánum. Veljið því næst "System" í vinstri valmynd.

3.Nú opnast System glugginn. Finnið þar í listanum "System Type". Þar stendur hvort Windows sé 32 eða 64 bita.

Windows 7 og Windows Vista:

1. Smellið á Windows logoið neðst til vinstri og skrifið í leitarreitinn "System". Finnið svo í listanum undir Control Panel "System" og smellið á það.

2. Nú opnast System glugginn. Finnið þar í listanum "System Type". Þar stendur hvort Windows sé 32 eða 64 bita.

Windows XP:

1. Smellið á "Start" og veljið þar "Control Panel". (Stundum er það Start -> Settings -> Control Panel).

2. Tvísmellið á "System". Ef glugginn lítur ekki svona út smellið þá fyrst á "Switch to Classic View" efst til vinstri og svo "System".

3. Ef það stendur 64 bita í þessum glugga þá er vélin með 64 bita stýriklerfi. Ef það stendur ekki 64 bita að þá er vélin 32 bita.