Umsóknarferli fyrir nýnema

Nýnemar sem ekki hafa fengið notandanafn og lykilorð skulu lesa hér nánar um ferlið.

  1. Umsækjendur sækja rafrænt um nám á heimasíðu HÍ: http://hi.is/
  2. Veflykill birtist eftir skráningu (umsækjendur eru hvattir til að vista og prenta út veflykilinn og geyma vel). Upplýsingar um veflykil eru einnig sendar í tölvupósti á uppgefið netfang. ATH að ef þú ert búin(n) að tapa veflyklinum þá þarftu að hafa samband við Þjónustuborðið á Háskólatorgi á haskolatorg@hi.is eða í síma 5255800 til að fá hann uppgefin.
  3. Skila þarf staðfestu afriti af stúdentsprófsskírteini til Nemendaskrár. Afritið þarf að vera stimplað og undirskrifað frá útskriftarskóla.
  4. Umsækjendur geta farið á síðuna: nynemar.hi.is og skráð uppgefinn veflykil og geta þá fylgst með framvindu umsóknar sinnar. Ráðlagt er að fara inn á síðuna daglega meðan beðið er eftir upplýsingum.
  5. Greiðsluseðill er sendur út til væntanlegra nemenda ásamt því að birtast í heimabanka.
  6. Þegar greiðsla hefur átt sér stað má fara inn á síðuna: nynemar.hi.is og þá er hægt að nálgast notandanafn og lykilorð sem veitir aðgang að Uglu og vefpósti.
  7. Athuga skal að þegar notandanafn og lykilorð er sótt í fyrsta skipti skulu líða að minnsta kosti 2 klukkutímar áður en reynt er að skrá sig inn.

Það kemur einstaka sinnum fyrir að eitthvað misferst í skráningu sem lýsir sér þannig að lykilorð gengur ekki með notandanafni, þá er nauðsynlegt að nálgast nýtt lykilorð í Tölvuþjónustunni Háskólatorgi eða Hamri. Einungis er hægt að fá úthlutað lykilorð ef nemendur hafa farið í gegnum allt ferlið hér að ofan og eru með notandanafn.

  • Nemendaskrá er í Háskólatorgi og er opin 9:00-15:00 alla virka daga.
    Tölvupóstur: nemskra@hi.is
    Sími: 5254309
  • Tölvuþjónusta RHÍ er í Háskólatorgi og er opin frá 8:00 til 16:00
    Tölvupóstur: help@hi.is
    Sími: 5254222