Tölvuþjónusta RHÍ er staðsett á 2. hæð í Háskólatorgi og er opin frá 8 - 16 alla virka daga.

Tölvuþjónustan sér um aðstoð varðandi þá þætti sem snúa að Reiknistofnun og er ætluð bæði nemendum og starfsmönnum.

Hægt er að hafa samband við Tölvuþjónustuna með því að mæta á staðinn, hringja í síma 5254222 eða senda tölvupóst á help@hi.is

Nánar um Tölvuþjónustuna

Haustið 2005 opnaði RHÍ þjónustuborð í Tæknigarði fyrir nemendur og starfsmenn HÍ. Í ágúst 2009 flutti RHÍ þessa þjónustu á Háskólatorg og var nafninu breytt í Tölvuþjónusta RHÍ. Með þessum flutningi var RHÍ komið miðsvæðis með þjónustu fyrir alla notendur Háskólans og þar með aðgengi og þjónusta Reiknistofnunar orðin mun betri.

Að jafnaði eru þrír starfsmenn sem vinna í Tölvuþjónustunni við að leiðbeina notendum og sinna lítilsháttar aðstoð og viðgerðum á tölvutengdum vandamálum.