Oft er gott að geta tengst heimasvæði sínu án þess að þurfa að mappa drif eða fara í gegnum Uglu. Þá getur verið góður möguleiki að notast við SFTP tengingu.

SFTP er í raun örugg FTP tenging en við mælum eindregið á móti því að fólk noti FTP þar sem lykilorðið er ekki öruggt þegar sú tenging er notuð.

Það sem þarf að vita til að tengjast er:

• Host: katla.rhi.hi.is

Hægt er að nota hin ýmsu forrit til að tengjast með SFTP. Hér má finna nokkur af þeim vinsælustu: http://lifehacker.com/5039956/five-best-ftp-clients

Hér á eftir má sjá hvernig þið tengist með FileZilla og WinSCP.

FileZilla

Til að tengjast með FileZilla þá smellið þið á "File" og veljið "Site Manager".

Smellið á "New Site" og setjið inn eftirfarandi:

• Host: katla.rhi.hi.is
• Servertype: SFTP - SSH File Transfer Protocol
• Logontype: Normal
• User: þitt notandanafn (ATH ekki setja @hi.is fyrir aftan)
• Password: Lykilorð (Sama og í Uglu)

Smellið því næst á "Connect" og þá ættuð þið að tengjast svæðinu.

WinSCP

Til að tengjast með WinSCP þá fyllið þið í eftirfarandi reiti:

• Host Name: katla.rhi.hi.is
• User name: þitt notandanafn (ATH ekki setja @hi.is fyrir aftan)
• Password: Lykilorð (Sama og í Uglu)
• File protocol: SFTP

ATH að nú getið þið smellt á Save ef þið viljið eiga þessar stillingar og þá mun hún birtast undir "Stored sessions".

Smellið á "Connect" og þá mun WinSPC reyna að tengjast heimasvæðinu ykkar. Það gætu komið upp ýmsar aðvaranir þar sem svæðið er ekki þekkt en þið smellið þá á "Yes" og "Continue" til að leyfa tenginguna.