Garðanet

GarðanetÍbúar á Stúdentagörðunum hafa fría internettengingu fyrir eina tölvu eða einn beini (router).

Sá sem sækir um Garðanetið þarf að vera skráður fyrir íbúðinni. Oft tekur skráning íbúðarinnar 1-2 daga að berast til okkar frá Félagsstofnun stúdenta eftir að viðkomandi tekur við lyklum, í kjölfarið opnast umsóknarsíða um Garðanetið í Uglu. Skráning á nettengingunni tekur hins vegar ekki nema 30 mínútur eftir að hún berst til okkar í gegnum Uglu.

Ekki er í boði þráðlaust net í íbúðum/herbergjum á Görðunum og því þarf að tengja tækið með kapli. Það er hins vegar hægt að skrá beini (router) og tengt hann við nettengilinn. Þannig er mögulegt að tengja fleiri tæki við hann þráðlaust eða með snúru.

Svona er ferlið til að sækja um Garðanetið.

1. Finna MAC addressu kapalnetkortsins.

Fyrst þarf að finna MAC addressu kapalnetkortsins. Smellið á viðeigandi stýrikerfi til að sjá leiðbeiningar um það. (smellið hér til að fá hjálp með að finna rétt stýrikerfi)

ATH: Notandinn sem skráður er fyrir íbúðinni getur einungis sent inn eina MAC addressu.

2. Skrá MAC addressuna

Skrá sig inn í Uglu (ugla.hi.is) og þar undir "Tölvuþjónusta" velur þú "Umsóknir" og loks "Nettenging á stúdentagörðum".

Þá opnast þessi síða (sjá neðst á mynd) og þar skrifið þið inn MAC addressuna sem þið funduð í skrefinu hér á undan. Ekki þarf að hafa bil á milli stafa og stórir stafir og litlir stafir skipta ekki máli hér. Svo er smellt á "Klára umsókn". 30 mínútum síðar er skráningin komin í gegn.

Garðanet umsókn

 

Ef þú hefur ekki þennan möguleika í Uglunni þá er einhver annar skráður fyrir íbúðinni eða að skráningin er ekki komin í gegn til okkar.

3. Stilla netkortið rétt.

Oftast nær þarf ekki að gera meira en stundum er netkortið ekki rétt stillt til að taka við IP tölu og því þarf að stilla það rétt. Smelltu á rétt stýrikerfi til að sjá hvernig þú stillir netkortið rétt.

Þegar búið er að fylgja þessum 3 liðum þá ættir þú að vera með netsamband á Görðunum. Ef það hins vegar er ekki að virka athugaðu þá þessa síðu: Vandræði með Garðanetstenginguna.