Hvernig á að skanna í skönnum í tölvuverum RHÍ

Hér eru leiðbeiningar um hvernig nota á þá skanna sem staðsettir eru í tölvuverum RHÍ.
Skanna er að finna í tölvuverum í Árnagarði, Háskólatorgi 204, Stakkahlíð, Öskju 166 og VR-II, 260.

Það kostar ekkert að skanna.

1. Þegar komið er að skannanum má sjá þennan skjá hér að neðan. Ýtið á "E-mail. Send your document as an attachment to an e-mail"

E-mail - Send your dockument as an attachemnt to an e-mail

2. Byrjað er á því að skrá sig inn með notandanafni. Ýtið á hvíta reitinn undir "Username" og þá birtist hnappaborð. Sláið þar inn notandanafn (án @hi.is) og veljið síðan "OK".

3. Ýtið því næst á hvíta reitinn fyrir neðan "Password" og sláið þar inn lykilorð (sama og í Uglu) og veljið "OK". Hægt er að skipta á milli hástafa og lágstafa með því að ýta á "Shift".

Usermane - Password

Takkaborð

4. Næsta skref er að velja hvert á að senda skjalið sem skannað er. Ýtið á auða flötinn fyrir neðan "To". Setjið inn ykkar eigið póstfang ef þið viljið sjálf fá það sem skannað er. Hér þarf að að setja inn fullt póstfang (t.d. abc12@hi.is).
Undir "Subject" getið þið sett inn þann texta sem þið viljið að birtist hjá móttakanda í "Subject".

Send E-mail

5. Að lokum er svo ýtt á "Send E-mail" hnappinn efst á skjánum til að hefja skönnun.

ATH. Einnig er hægt að ýta á örina sem vísar niður (More Options) til að velja ýmsar stillingar, t.d. hvort þið viljið senda sem .pdf eða .jpg og í hvaða gæðum o.s.frv.